Құрметті білім алушылар, педагогтер, ата-аналар!

Біздің мектеп – жайлы, заманауи және мүмкіндіктерге толы орта. Мұнда әрбір білім алушы өзін қауіпсіз әрі жайлы сезініп, сапалы білім мен саналы тәрбие алады. Біздің мектебімізде шәкірттеріміздің жан-жақты дамуына, білім алуына, зерттеу жұмыстарын жүргізуіне, өнер мен спортта жетістікке жетуіне барлық жағдай жасалған.

⠀
Біз әрбір адамның даралығын құрметтейміз және баршаға тең мүмкіндік беруді басты құндылықтарымыздың бірі деп білеміз. Мектебіміз – ұлтына, тіліне, дініне, әлеуметтік жағдайына немесе денсаулығына қарамастан, әр балаға есігі ашық, шынайы қолдау көрсетілетін кеңістік.
⠀
Ата-ана, педагог және білім алушы арасындағы тығыз байланыс – табысты білімнің кепілі. Сондықтан біз ашықтық, өзара құрмет және сенім қағидаларын ұстанамыз.
⠀

Біз үшін ең бастысы – адамгершілік, мейірім мен бірлік рухы. Мектебімізге әрбір жан қуана келіп, шабытпен оралатынына сенімдіміз!