KZ
Білім шыңына қанат қаққан жас дарындар: Мектепішілік олимпиаданың қорытындысы
Білім – болашақтың іргетасы, ал олимпиада – жас дарындардың қарымын байқайтын үлкен сынақ алаңы. 2026 жылдың 28–29 сәуір күндері №109 ЖОББМ-де бастауыш сынып оқушылары арасында өткен пәндік олимпиада өз мәресіне жетті.
Биылғы оқу жылында 3–4 сыныптар бойынша барлығы 81 оқушы бақ сынап, өздерінің логикалық ойлау, талдау және шығармашылық қабілеттерін жоғары деңгейде паш етті. Нәтижесінде, 41 оқушы жүлделі орындарды иеленіп, мектебіміздің интеллектуалды әлеуетін танытты. Олимпиада қорытындысы бойынша әр пәннен үздік шыққан 12 оқушымыз қалалық кезеңге жолдама алып, мектебіміздің абыройын асқақтатпақ.
Бұл жетістік – оқушыларымыздың талпынысы, ұстаздарымыздың қажырлы еңбегі мен ата-аналарымыздың үнемі қолдауының жемісі. Шәкірттеріміздің бойындағы талантты шыңдап, білімге деген құштарлығын оятқан ұстаздарымызға және балаларының әрбір жеңісіне қуанып, демеуші болған ардақты ата-аналарымызға шексіз алғыс білдіреміз!
