Арманға бастар жол: «ҰБТ-ға сенімен!» ✨ ​Бүгін мектебімізде 11-сынып түлектеріне…

Арманға бастар жол: «ҰБТ-ға сенімен!» ✨
​Бүгін мектебімізде 11-сынып түлектеріне арналған ерекше, жылы әрі мотивацияға толы шара өтті. Мектеп психологтарының ұйымдастыруымен болашақ түлектеріміз «Армандар картасы: ҰБТ-ға сенімен» атты психологиялық тренингке қатысты.
​Тренингтің мақсаты: Оқушылардың бойындағы емтихан алдындағы үрейді басу, өзіне деген сенімділікті арттыру және болашақ мақсаттарын нақты айқындауға көмектесу.
​Практикалық жұмыс барысында оқушылар өздерінің үлкен армандары мен мақсаттарын қағаз бетіне түсіріп, жеке «Армандар картасын» жасады. Олар қай ЖОО-да оқығысы келетінін, қандай маман иесі болғысы келетінін және ҰБТ-дан қандай балл алғысы келетінін визуалды түрде бейнеледі.
​«Арман — орындалатын мақсаттың бастауы». Өз күшіне сенген адам ғана шыңдарды бағындырады.
​Мектеп психологтары түлектерге қолдау көрсетіп, стрессті жеңудің тиімді жолдарын үйретті. Алтын ұя мектебінен қанат қаққалы тұрған біздің 11-сынып оқушыларына ҰБТ-да сәттілік тілейміз! Біз сіздерге сенеміз! ✊🎓